تعارف

  • بدلتے زمانوں کے ساتھ تمام علوم وفنون کی تعلیم وتدریس کا نصاب اور طریقہ بدلتا رہا ہے۔اسلامی علوم وفنون کی تعلیم میں جدت اکیسویں صدی کا اولین تقاضا ہے۔دنیا ایک گلوبل ویلیج بن گئی ہے۔دنیا کی بہت سی معروف  یونیورسٹیز اپنی آن لائن سروس شروع کر چکی ہیں،کچھ سالوں میں ایک انقلاب برپا ہونے والا ہے،جو اکثر تعلیمی اداروں کو آن سائٹ سے آن لائن کر دے گا۔انہی حالات کے پیشِ نظر ہم  ورچوئل اسلامک یونیورسٹی کا قیام عمل میں لائے ہیں۔

  • بہت سے لوگ اپنے کاروبار یا ملازمت میں مصروف ہونے کی وجہ سے مدارس میں قیام کر کے دینی علوم سے بہرہ وَر نہیں ہو سکتے،نیز کچھ لوگ اپنا علاقہ چھوڑ کر سفر کرنے سے عاجز ہیں، اسی طرح ایسے لوگ بھی دینی علوم سیکھنے کے متمنی ہیں، جو معاشی مجبوریوں کی وجہ سے دیارِ غیر میں مقیم ہیں،جہاں مدارسِ اسلامیہ نہ ہونے کی وجہ سے ان کی یہ خواہش پوری نہیں ہو پاتی۔ ان سب کے خواب ہمارے ورچوئل کلاس روم میں باقاعدہ دینی تعلیم کے اجرا سے پورے ہو رہے ہیں۔الحمد للہ

  • اب کسی بھی عمر کا کوئی بھی شخص دنیا میں کہیں بھی رہتے ہوئے اور کوئی بھی کام کرتے ہوئے ورچوئل دینی ادارے کا باقاعدہ طالب علم بن سکتا ہے۔وہ روزانہ اپنی مصروفیات سے کچھ وقت نکال کر ایک دن عالمِ دین بن سکے گا۔ ان شاء اللہ

  • ورچوئل اسلامک یونیورسٹی کوئی برائے نام یا کاغذی پروگرام نہیں ہو گا،بل کہ یہ ایک منظم ومرتب نظامِ تعلیم ہے،جو دینی ودنیاوی اعتبار سے اعلیٰ تعلیم یافتہ افراد کی نگرانی میں کام شروع کر رہا ہے۔اس میں جدیدٹیکنیکس کو استعمال کر کے دینی علوم کو بہتر سے بہتر انداز میں پیش کیا جا رہا ہے۔